من اؤزانلار اؤجاغیندان یازیرام
غملرین دسته له ییب یؤل آزیرام
نیسگیلیندن سینه می هِی قازیرام
قامتین چَنله دومانلا بورویوب
مئشه قؤینوندا سیزان بیر بولاغا
داشین اوستونده یاتان بیر آلاغا
قسم اؤلسون توتولان لال دوداغا
زوفلرین گؤرنه یاماندا هؤرویوب
باریزین ناله سینه همدم اؤلوم
گوندوزی هِی بؤشالیم لاپدا دؤلوم
نیسگیلیندن گئجه لر ساچی یؤلوم
عشق دیر بیرده یولوندا سورویوب
قاراداغ من سورونوم کورپه سایاق
"دالغا"نین باخ اورگی مین بیر اوتاق
سن منیم اؤلکه مه اؤل بیرده دایاق
شاعیرین جان دئمه دن، جان چورویوب
درباره این سایت